|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
ҚР Энергетика министрі Болат Ақшолақов солтүстік пен шығысқа газ қашан жететінін айтты.
«Ресей тарапымен келісімге келіп, келіссөздерді аяқтаған соң екі жылдың ішінде газ бұл облыстарға жетеді. Ал газ тарату мәселелері оған кірмейді. Бірінші магистральдік газ құбырын жеткіземіз. Оған қосымша аудан, елді мекендердің арасында газ тарату құбырларын салу керек. Оған біраз уақыт кетеді», - деді ол Мәжілісте өткен Үкімет сағатынан кейін БАҚ өкілдеріне берген жауабында.
Министрдің мәліметі бойынша, аталған өңірлерге газ толығымен тартылуы үшін кемінде 5 жыл уақыт керек.
«Солтүстік пен шығыстағы өңірлерді газбен жабдықтау үшін 5 жыл керек болады. Себебі магистральдік газ құбыры келетін болған күннің өзінде тарату құбырларын тарту жұмыстары – өз алдына өзекті мәселе. Оған дайындық жұмыстарын жүргізу керек, қалалар мен елді мекендерді қосымша құбырлармен жабдықтау керек. Яғни, оның жұмысы көп. Сол себепті оған 5 жылдан астам уақыт кетеді», - деді минстр.
