Жаңалықтар

Мұрат Ергешбаев Қызылорда облысының әкімі болып тағайындалды

08.05.2026

мин

0

201

Сурет: Gov.kz

Мәжіліс депутаты Мұрат Ергешбаев Қызылорда облысының әкімі қызметіне тағайындалды. Ол бұған дейін Қызылорда қаласын басқарған және мемлекеттік қызметте түрлі лауазымдар атқарған, — деп хабарлайды Dauletten.kz. 

Мұрат Нәлқожаұлы Ергешбаев Қызылорда облысының жаңа әкімі болып тағайындалды. Тиісті шешім мемлекет басшысының келісімімен қабылданды.

Мұрат Ергешбаев 1966 жылы дүниеге келген. Еңбек жолында мемлекеттік басқару саласында ұзақ жыл қызмет атқарып, әр кезеңде жауапты міндеттерді атқарды. 2023 жылдан бері Қазақстан Республикасы Парламенті Мәжілісінің депутаты болды.

Сондай-ақ, ол 2008-2010 жылдары Қызылорда қаласының әкімі қызметін атқарған. Өңірдің әлеуметтік-экономикалық дамуына қатысты жұмыстарға белсенді араласқан тәжірибелі басқарушы ретінде белгілі.

Еске салсақ, бұған дейін Қызылорда облысының әкімі болған Нұрлыбек Нәлібаев жақында Қазақстан Республикасы Премьер-министрінің бірінші орынбасары қызметіне тағайындалған еді.