|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Әлемде адам тәрізді роботтарды құрастыруға талпынған компаниялар саны артып, бұл саладағы бәсекелестік күшейіп келеді. Осындай жаңашылдықпен танымал норвегиялық 1X компаниясы өздерінің жаңа роботын таныстырды, - деп хабарлайды Dauletten.kz.
Бұл құлтемір күнделікті тұрмыста үй шаруасына көмек көрсетуге арналған. Жаңа технологиялық жетістік NEO деп аталып, оны компанияның бас директоры Бернт Борнич көпшілікке таныстырды.
Бернт Борничтің айтуынша, NEO еден сыпыру, қоқыс жинау сияқты күнделікті жұмыстарды орындауға арналған.
- Бұл робот нәзік жандар үшін таптырмас көмекші бола алады, – дейді ол.
Бернт Борнич, 1X компаниясының бас директоры:
– NEO – ең заманауи технологияларды қолдану арқылы жасалған гуманоидты робот. Ол киім жуу, үй жинау сияқты көптеген тұрмыстық тапсырмаларды орындауға қабілетті. Сонымен қатар, бұл робот адамдармен сөйлесіп, жаңа ақпаратты меңгере алады және өз дағдыларын үнемі жетілдіріп отырады.
Жасанды интеллектінің дамуы гуманоидты роботтардың мүмкіндіктерін айтарлықтай кеңейтіп, технологиялық компанияларға күрделі функцияларды жүзеге асыруға мүмкіндік берді. 1X компаниясы NEO-ның бағдарламалық жасақтамасына жасанды интеллект енгізіп, оның қабілетін одан әрі жетілдіргенін айтады.
Бернт Борнич:
– Бұл жобаны бастамас бұрын біз Eve деп аталатын роботты зерттедік. Оның үй шаруасын қалай атқаратынын және адамның гуманоид роботпен өмір сүру ерекшеліктерін бақыладық. Бұл тәжірибе бізге үлкен көмек болды. Осы зерттеулер негізінде NEO жобасын қолға алдық. Жаңа роботымыз көпшілікке ұнайды деп сенеміз.
NEO-ның коммерциялық нұсқасы 2025 жылы нарыққа шығуы жоспарланып отыр. Компания өкілдерінің айтуынша, құлтемірдің бағасы орташа санаттағы автокөлік құнымен шамалас болады.
