Жаңалықтар

Нұр-Сұлтан қаласында сатып алу құқығынсыз жалға берілетін баспанаға құжат қабылдау басталды

01.06.2021

1 мин

5

2069

Нұр-Сұлтан қаласында сатып алу құқығынсыз жалға берілетін тұрғын үйге құжаттарды қабылдау басталды. Өтініштер 8 маусымға дейін қабылданады.

Баспананы жалдау ақысы 5 мың теңгеден басталатын пәтерлер 11 санат бойынша беріледі. Атап айтсақ, ҰОС ардагерлеріне теңестірілген ардагерлер, басқа мемлекеттер аумағындағы ұрыс қимылдарының ардагерлері, 1 және 2 топтағы мүгедектер, мүгедек балалары бар немесе оларды тәрбиелеуші отбасылар, кейбір созылмалы аурулардың ауыр түрлерімен ауыратын адамдар, жасына байланысты зейнеткерлер, жетім балалар, қандас, экологиялық зардап салдарынан тұрғын үйінен айырылған адамдар, қызметтік міндеттерін атқару кезінде қаза тапқан (қайтыс болған) адамдардың отбасылары, толық емес отбасылар. Жалға берілетін пәтерлердің жалпы саны – 100.

Құжаттар электронды түрде qatysu.zhilfond.kz сайты арқылы қабылданады. Іріктеу «Халықтың әлеуметтік жағынан осал топтары» санаты бойынша тұрғын үй кезегіне қою күні мен отбасы құрамы бойынша кезекте тұрған азаматтар арасында өтеді.

Бағдарламаға өтініш беру үшін керек құжаттар тізімі:

• ЭЦҚ кілті;
• Отбасының барлық мүшелеріне ҚР бойынша жылжымайтын мүліктің болмауы немесе болуы туралы анықтаманың сканерленген нұсқасы;
• Балалардың туу туралы куәліктерінің/отбасы мүшелерінің жеке куәлігі (болған жағдайда) сканерленген нұсқасы;
• Неке қию /некені бұзу /әке болуды анықтау туралы куәліктің /№4 нысан /қайтыс болу туралы куәлік (болған жағдайда) сканерленген нұсқасы;
• Жылжымайтын мүліктің құқық белгілейтін құжаттарының (болған жағдайда) сканерленген нұсқасы;
• Мүгедектік туралы анықтаманың (болған жағдайда) сканерленген нұсқасы;
• Созылмалы аурудың толық атауы, жеке бөлмеге мұқтаждығы және белгілі бір қабаты көрсетілген созылмалы аурудың медициналық қорытындысының (болған жағдайда) сканерленген нұсқасы.

Баспана 5 жылға жалға беріледі. Десе де, жалдау мерзімін 5 жыл өткен соң ұзарту арқылы жалдау шартын өзгертуге болады. Өтініштерді қарастыру нәтижелері zhilfond.kz және zhil-astana.kz сайттарында және тұрғын үй орталығының әлеуметтік желілерінде жарияланады.