Жаңалықтар

Онкологияда отандық дәрі пайда болуы мүмкін

18.08.2026

мин

0

177

Сурет: Ғаламтордан

Қазақстандық ғалымдар әзірлеген DVC препаратының клиникалық сынақтары жалғасып жатыр. Дәріні 2027 жылы тіркеуден өткізу жоспарланып отыр, — деп хабарлайды Dauletten.kz.

Қазақстанда жасалған қатерлі ісікке қарсы DVC препараты 2027 жылы қолданысқа шығуы мүмкін. Қазір препарат Астана қаласындағы онкология орталығында клиникалық зерттеудің екінші кезеңінен өтіп жатыр.

Зерттеу барысында мамандар дәрінің тиімді дозасын анықтап, оның адам ағзасына әсерін бағалауда. Ғылым және жоғары білім министрі Саясат Нұрбектің мәліметінше, клиникалық сынақтарды 2026 жылдың соңына дейін аяқтап, препаратты тіркеуге ұсыну жоспарланған.

Алғашқы кезеңде DVC Қазақстанда және Еуразиялық экономикалық одақ елдерінде тіркелмек. Кейін препаратты шетелдік нарыққа шығару үшін әр мемлекетте тиісті тіркеу рәсімдерінен өту қажет болады.

Препаратты әзірлеуші Дос Сарбасовтың айтуынша, DVC-нің доклиникалық зерттеулері сәтті аяқталған. Ал пациенттердің қатысуымен клиникалық сынақтар 2026 жылғы 31 наурызда басталған.