|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Көкшетауда полицейлер 89 жастағы степногорлық зейнеткерден ақша алған дроппердің әрекетіне тосқауыл қойды, - деп хабарлайды Dauletten.kz Polisia.kz сайтына сілтеме жасап.
19 наурызда күдікті зейнеткердің үй телефонына қоңырау шалып, өзін полиция қызметкері ретінде таныстырып, оның немересі жол-көлік оқиғасына қатысып, 18 000 доллар төленсе, бес жылға қылмыстық жауапкершіліктен құтылатынын айтқан. Сенімділік үшін алаяқтар немересінің атынан белгісіз әйелге хабарласқызып, ол көзіне жас алып, зейнеткерден ақша сұраған. Алаңдаған әйел сақтығын жоғалтып, алаяқтарға өзінде тек 8000 АҚШ доллары бар екенін хабарлаған. Кейін ақшаны 100 000 теңгемен бірге пакетке салып, оны заттарымен бірге такси жүргізушісіне берген. Ол қылмыстан бейхабар күйде пакетті Көкшетауға жеткізіп, курьерге табыстаған.
Полицияның жедел-іздестіру шаралары нәтижесінде 22 жастағы курьер ұсталды. Ол ақшаны кураторы көрсеткен шотқа аударып үлгермегенімен, такси қызметіне және жеке қажеттіліктеріне 27 000 теңге жұмсаған. 27 наурызда, өзінің туған күнінде, қалған қаражат заңды иесіне қайтарылды.
Қазіргі уақытта алаяқтық дерегі бойынша сотқа дейінгі тергеу жүргізілуде.
