Жаңалықтар

Президент төрт бірдей заңды мақұлдады

24.06.2026

мин

0

220

Сурет: Ақорда

Президент Қасым-Жомарт Тоқаев ғылым, әлеуметтік қамсыздандыру, білім беру, денсаулық сақтау, цифрландыру және көлік салаларын қамтитын бірқатар заңға қол қойды, — деп хабарлайды Dauletten.kz Ақордаға сілтеме жасап.

Мемлекет басшысы Қасым-Жомарт Тоқаев бірнеше бағыттағы заңнамалық өзгерістерді бекітті.

Президент қол қойған заңдардың бірі ғылымды дамыту, ғылымды қажетсінетін аумақтарды қолдау, әлеуметтік қамсыздандыру, білім беру, денсаулық сақтау және әскери қызмет мәселелерін қамтиды.

Сонымен қатар машина жасау саласын дамыту мен көлік жүйесін жетілдіруге бағытталған заң да мақұлданды.

Бұдан бөлек, атқарушылық іс жүргізу тетіктерін жетілдіруге арналған заңға қол қойылды.

Сондай-ақ Мемлекет басшысы цифрландыру, дербес деректерді қорғау, жол жүрісі қауіпсіздігі және көлік саласындағы озық технологияларды реттеу мәселелеріне қатысты заңды бекітті.

Қол қойылған заңдардың мәтіні ресми басылымдарда жарияланғаннан кейін күшіне енеді.