Жаңалықтар

Қандай жағдайда банкрот деп танылмайды?

31.03.2023

мин

0

506

Қаржы вице-министрі Ержан Біржанов Орталық коммуникациялар қызметінің сайтында қазақстандықтардың соттан тыс банкроттық рәсімінен бас тартуының негізгі себептерін атады, - деп хабарлайды Dauletten.kz.

Тексеріс нәтижесінде 1414 қызметі арқылы 7 мыңнан астам өтініш берушіге соттан тыс банкроттық рәсімін қолдануға рұқсат бермеді. 

Вице-министр Біржанов бас тартудың алты негізгі себебін атады:

1. Несиелік бюролардың мәліметі бойынша, 6 713 адам жыл ішінде берешегін ішінара өтеген немесе қарыз сомасы 1600 АЕК (2023 жылы 5 млн 520 мың теңге) шегінен асып кеткен;
2. Еңбек және халықты әлеуметтік қорғау министрлігі жарты жылда 1846 адам атаулы әлеуметтік көмек алушы екенін растаған жоқ;
3. Олар жұбайының болуы фактісін көрсетпеген, сәйкесінше 1463 адам рәсімді қолдануға келісімін алмаған;
4. Әділет министрлігінің мәліметі бойынша, 1349 адамның жылжымайтын мүлкі бар;
5. Ауыл шаруашылығы министрлігінің мәліметі бойынша, 941 азаматтың жеке меншігінде жер телімдері бар;
6. Ішкі істер министрлігінің мәліметінше, 789 азаматқа көлік тіркелген.

«Бас тарту туралы хабарлама түскен жағдайда, соттан тыс банкроттық критерийлерге сәйкес келген жағдайда 3 айдан кейін қайта өтініш беруге болады», - деді вице-министр Біржанов.

фото: fingramota.kz