|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қаржы агенттігі басшысы Мадина Әбілқасымова алаяқтық несиелерге қатысты жаңа тәртіп енгізілетінін мәлімдеді, - деп хабарлайды Dauletten.kz.
Агенттік өкілінің айтуынша, егер несие азаматтың келісімінсіз рәсімделсе немесе биометриялық деректер қолданылмаса, мұндай қарыздар сот шешімін күтпей-ақ есептен шығарылатын болады.
Ол бұл механизмнің Ішкі істер министрлігімен бірлесіп дайындалғанын атап өтті. Енді азаматтар құқық қорғау органдарына өтініш беріп, тергеу органының шешімі арқылы несиенің алаяқтық жолмен алынғанын дәлелдей алады. Осы құжат негізінде банк тиісті қарызды жояды.
Мадина Әбілқасымованың айтуынша, бұл жүйе азаматтарды кибералаяқтықтың салдарынан борышкер атанудан қорғауға және сотқа жүгінбей мәселені шешуге мүмкіндік береді.
Соңғы екі жыл ішінде банктер 1,9 миллиард теңге сомасындағы 1500 несие бойынша 1400 адамның қарызын кешірген. Мұндай жағдайлардың басым бөлігі - азаматтардың жеке деректері заңсыз пайдаланылған оқиғалармен байланысты.
