|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Елімізде 1 қазаннан бастап «Орда» ипотекалық бағдарламасы тоқтатылады. Жобаның тоқтатылуының басты себебі - қаржыландыру лимитінің таусылуы.
«Бағдарлама аясында жыл сайын жоспарлы қаржыландыру 13.8 млрд теңгені құрайды. Қаржыландыру «Қазақстан Тұрғын үй компаниясы» АҚ есебінен жүзеге асырылды. 1 қыркүйектегі жағдай бойынша жоспарлы көрсеткіштер 4.1 млрд теңгеге артты. Осыған байланысты компания жеке тұлғалардың өтінімдерін қабылдауды тоқтатады. Үш жыл ішінде 70 млрд теңгеден астам сомаға 5.3 мыңға жуық өтінім келіп түсті. Оның ішінде 49.4 млрд теңгеге 3.8 мың өтінім мақұлданды», делінген ресми хабарламада.
Компания 1 қазанға дейін түскен барлық өтінімдер қарастыратынын мәлімдеді.
Естеріңізге сала кетейік, «Орда» ипотекалық бағдарламасы 2018 жылдың қазан айында іске қосылды. Бағдарлама бастапқы және қайталама нарықтан тұрғын үй сатып алуға мүмкіндік береді. Қарыз сомасы Алматы мен Нұр-Сұлтанда 65 млн теңгеге дейін, еліміздің басқа өңірлері үшін 45 млн теңгеге дейін белгіленген. Бағдарлама бойынша өтінімдерді қабылдайын серіктес банктер - Еуразиялық банк, Jýsan Bank, Банк ЦентрКредит.
