|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қазақ ұлттық аграрлық университетінің үш жатақханасының жекеменшікке қалай өткені тергеліп жатыр, бұл мәселе бойынша тергеу амалдарын Антикор былтыр бастаған, - деп хабарлайды Dauletten.kz.
Бұл мәселе Алматыда "AMANAT" партиясы жанындағы сыбайлас жемқорлыққа қарсы іс-қимыл жөніндегі республикалық кеңестің отырысында қаралды. Жиында Қазақ ұлттық аграрлық зерттеу университетінің активтерін мемлекет меншігіне қайтару жайы қозғалды.
Кеңес төрағасы, Мәжіліс депутаты Ерлан Саиров әділдікті қалпына келтіріп, сыбайлас жемқорлыққа қатысы бар тұлғаларды жауапқа тарту қажет екенін айтты. Оның сөзінше, 2000-жылдардың басында университеттің меншігі жекеге берілген. Соның ішінде үш жатақхана, бес зертханалық ірі нысан және алты гектар жер белгісіз себептермен жеке адамдардың қолына өткен.
- Осы жылдар ішінде аталған мүліктер бірнеше рет сатылып, қол алмастырды. Дегенмен әділдік қалпына келуі тиіс. Балаларымыздың несібесі қайтарылуы керек. Бұған жол берген азаматтар заң алдында жауап беруі тиіс, – деді Ерлан Саиров.
Сыбайлас жемқорлыққа қарсы іс-қимыл агенттігінің Сотқа дейінгі тергеу қызметі басшысының орынбасары Қуандық Рашит университет активтерінің жеке меншікке берілуіне байланысты заң бұзушылықтар анықталғанын мәлімдеді.
Агенттік өткен жылдан бері оқу орнының мүлкін жеке тұлғаларға сату фактілері бойынша тергеу жүргізіп жатыр. Қазір қажетті сараптамалар жасалып, құзыретті органдармен бірлесіп, меншіктердің қалай жекеге өткенін және қандай заң бұзушылықтар орын алғанын тексеру жалғасуда.
- Бұл фактілер бойынша тергеу амалдары жүргізіліп жатыр. Бұдан бөлек, басқа да нысандарға қатысты тексеру жүріп жатыр, – деді Қуандық Рашит.
