Жаңалықтар

Қазақстан 2028 жылға дейін негізгі азық-түлік бойынша толық өзін-өзі қамтамасыз етуге көшпек

19.08.2025

1 мин

0

140

Сурет: egemen.kz

18 тамызда Премьер-министрдің орынбасары – Ұлттық экономика министрі Серік Жұманғариннің төрағалығымен өткен кеңесте елдің азық-түлік қауіпсіздігін қамтамасыз ету мәселесі қаралды, - деп хабарлайды Dauletten.kz.

Азық-түлік қауіпсіздігі екі өлшемге негізделеді:

• Физикалық қолжетімділікке – Ауыл шаруашылығы министрлігі;

•  Экономикалық қолжетімділікке – Сауда және интеграция министрлігі жауап береді.

Бұл шаралар АӨК-ті дамытудың 2030 жылға дейінгі тұжырымдамасында және 2028 жылға қарай ауыл шаруашылығы жалпы өнімін екі еселеу жөніндегі Жол картасында айқындалған.

• 2021–2024 жылдары ауыл шаруашылығының жалпы өнім көлемі 11,3%-ға өсіп, 8,3 трлн теңгеге жетті.

•  Өсімдік шаруашылығы – +14% (5 трлн теңге);

•  Мал шаруашылығы – +5,6% (3,29 трлн теңге).

•  2025 жылдың І жартыжылдығында өсім 3,7% болды.

•  Егіс алқабы 23,6 млн гектарға дейін ұлғайды. Әлеуметтік маңызы бар дақылдардың үлесі артты: майлы дақылдар 4 млн га (+1 млн га), картоп 131 мың га.

Мал шаруашылығы

2025 жылдың І жартыжылдығында:

    •    ІҚМ – 8,8 млн бас (+8,3%);

    •    қой-ешкі – 21,5 млн (+0,8%);

    •    жылқы – 4,6 млн (+4,7%);

    •    құс – 47,7 млн (+2,7%).

Соның арқасында өндіріс көлемі өсті:

    •    ет – 529,9 мың тонна (+1,5%);

    •    құс еті – 187,7 мың тонна (+4,9%);

    •    сүт – 1,8 млн тонна (+7%);

    •    жұмыртқа – 2,2 млрд дана (+0,9%).

Өндірістегі серпін

    •    2022–2024 жылдары қуаттылығы 144 мың тонна болатын 17 құс фабрикасы іске қосылды. Бұл құс етімен қамтамасыз етуді 67%-дан 79%-ға жеткізді. 2028 жылға дейін тағы 41 кәсіпорын ашылып, импортқа тәуелділік жойылады.

    •    Сүт өндірісінде 2019 жылғы 19 ферма орнына бүгінде 69 ферма бар, тағы 47-сі салынып жатыр. Барлығы іске қосылғанда сүт өндірісі жылына 600 мың тоннаға өсіп, ірімшік пен сүзбе бойынша толық қамтамасыз етілуге қол жеткізіледі.

Сауда және интеграция министрлігі әлеуметтік маңызы бар азық-түлік бағасын тежеу шараларын жалғастыруда.

    •    Жыл басынан бері баға өсімі 8% болды, бірақ ай сайын бәсеңдеуде: сәуірде +1,6%, мамырда +1%, маусымда +0,7%, шілдеде +0,4%, тамыздың алғашқы екі аптасында бар болғаны +0,1%.

    •    Қазақстандағы 15 негізгі өнім (күнбағыс майы, жұмыртқа, тұз, қарақұмық, күріш, ұн және т.б.) бағасы ЕАЭО елдері арасындағы ең төмен деңгейде тіркелген.

- Қазақстан өзін негізгі азық-түлік өнімдерімен 80–100% қамтамасыз етіп отыр. Ет, сүт, жұмыртқа, көкөніс, ұн – ішкі сұраныс толық жабылады. Импорт құс еті, шұжық, ірімшік, қант және балық бойынша сақталуда,— деді ауыл шаруашылығы вице-министрі Ермек Кенжеханұлы.