|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Жаңа басқару жүйесі суперпрезиденттік үлгіден бас тартады, - деп хабарлайды Dauletten.kz.
Президент Қасым-Жомарт Тоқаев Қазақстанда басқару жүйесін жаңғыртуға бағытталған жаңа Конституция жобасының негізгі бағыттарын жариялады. Оның айтуынша, құжатта елдің суперпрезиденттік басқару моделінен бас тартып, өкілеттігі күшейтілген Парламенті бар президенттік республикаға көшу нақты көзделген.
- Негізінен, мемлекетті басқарудың жаңа жүйесін қалыптастыру туралы сөз болып отыр. Жаңа Конституция жобасында "мемлекет адам үшін" деген қағидат нақты әрі айқын сипат алды. Бұл – біз 2019 жылдан бері жүйелі түрде ұстанып келе жатқан бағыт, – деді Мемлекет басшысы Үкіметтің кеңейтілген отырысында.
Мемлекет басшысы бұл өзгерістер билік тармақтары арасындағы тепе-теңдікті қамтамасыз етуге және саяси жүйенің ашықтығын арттыруға бағытталғанын атап өтті. Жаңа Конституцияда «мемлекет адам үшін» қағидаты басты құндылық ретінде айқындалмақ. Президенттің сөзінше, бұл бағыт соңғы жылдары жүйелі түрде жүзеге асырылып келеді.
Сонымен қатар Қасым-Жомарт Тоқаев қолданыстағы Конституцияның тарихи маңызын жоққа шығармайтынын айтты. Ол тәуелсіздіктің алғашқы жылдарында елдің тұрақтылығы мен дамуына негіз болғанын атап өтті. Алайда бүгінгі қоғамның өзгеруі мемлекеттік басқару жүйесіне жаңа талаптар қойып отырғанын жеткізді.
Президент Қазақстан барлық сын-қатерлерге қарамастан халықаралық аренада беделді әрі қуатты мемлекетке айналғанын айтып, конституциялық реформалар елдің одан әрі дамуына серпін беретінін мәлімдеді.
