|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Global Firepower 2025 жылға арналған жаңартылған әскери қуаттылық рейтингісін жариялады. Онда Қазақстан Орталық Азиядағы ең мықты армияға ие елдердің қатарында аталды, - деп хабарлайды Dauletten.kz.
Рейтингте еліміз бір саты жоғарылап, 57-орынға жайғасты. Өткен жылы Қазақстан әлемдік армиялар рейтингінде 58-орында болған еді.
Орталық Азия елдері арасында Қазақстанға ең жақын көрсеткішке Өзбекстан ие болды, ол 58-орынды иеленді. Басқа елдерден Түркіменстан 77-орында, Қырғызстан 105-орында, ал Тәжікстан 108-орында тұр.
Жекелеген көрсеткіштерге тоқталсақ, Қазақстан реактивті жүйелер саны бойынша 17-орында (407 бірлік), ал өздігінен жүретін артиллерия саны бойынша 21-орында.
Рейтингте бірінші орын АҚШ-қа тиесілі. Екінші орынға Ресей, үшінші орынға Қытай жайғасты. Үздік бестікке Үндістан мен Оңтүстік Корея енген. Ал соңғы орында Бутан тұр.
Global Firepower рейтингі бірнеше жылдан бері жарияланып келеді. Оның авторлары 145 елдің қарулы күштерін 50-ден астам параметр бойынша бағалайды: армия мен басқа да әскери құрылымдардың саны, оларды қаржыландыру деңгейі, географиялық жағдай сияқты факторларды зерттейді. Әсіресе, қарулы күштердің құрамы, жабдықталуы, белсенді әскер мен резервтегі жауынгерлер санына ерекше назар аударылады.
Өткен жылы Қазақстан армиясы рейтингте бірден бес орынға жоғарылаған болатын.
