|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Алматы облысында олимпиадалық дайындық базасының құрылысы аяқталуға жақын. Мұнда бір уақытта 23 олимпиадалық спорт түрінен 2,3 мың спортшы қатысуына мүкіндік бар. Бұл нысан жыл бойы жұмыс істейтін болады. Соның арқасында осында ұлттық құрамалар мен облыстық командаларға маңызды старттар алдында толыққанды оқу-жаттығу жиындарын өткізе алады. Бұл туралы Орталық коммуникациялар қызметінің алаңында туризм және спорт министрі Ермек Маржықпаев айтып берді.
Сонымен қатар Астанада Ұлттық спорт университетінің бой көтермек. Жоспар бойынша құрылыс жұмыстары 2025 жылға қарай аяқталады. Мұндай университеттің болуы толық тәжірибелі кадрлар даярлауға да оң септігін тигізбек.
«Республика бойынша екі жыл ішінде 113 жаңа спорт нысаны салынады, қолданыстағы 26 кешен қайта жаңартылады. Ол МЖӘ тетігі негіңзінде жүзеге асады. Еліміздің барлық спорттық инфрақұрылымына ауқымды түгендеу жүргізілді. Оның қорытындысы бойынша әр өңірде жұмыс істеп тұрған объектілердің талап етілетін стандарттарға сәйкессіздігі анықталды», – деп атап өтті спикер.
Осылайша, жүргізілген жұмыстың нәтижесінде спорттық инфрақұрылымда, атап айтқанда ауылдық елді мекендерде аса мұқтаж өңірлердің тізімі айқындалмақ. Келер жылдан бастап модульдік үлгідегі тез салынатын, аз шығынды талап ететін 10 спорт нысаны салынады деп жоспарлануда.
«Бүгінде елімізде жүйелі түрде дене шынықтырумен және спортпен 7,6 млн адам айналысады, ол ел халқының 38,5% -н құрайды. Бұл көрсеткішті 2029 жылы 50% - ға жеткіземіз. Салауатты өмір салтын насихаттау үшін республика бойынша жыл сайын 1,2 млн адамды қамти отырып, барлық жас санаттарына бағытталған 25 мыңнан астам спорттық-бұқаралық іс шаралар тұрақты негізде өткізіледі, оның ішінде ауылдық жерлерде 500 мың адам», – деп түйіндеді жауыпты ведомство басшысы.
Брифинг соңында Президенттің тапсырмасына сәйкес өскелең ұрпақтың спорттық әлеуетін дамытуға басымдық берілетіні айтылды.
