|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
«Қазгидромет» мәліметінше, көктемгі жылынуға байланысты еліміздің бірқатар өңірінде су тасқыны қаупі күшеюі мүмкін, - деп хабарлайды Dauletten.kz.
Қазақстанның бірнеше өңірінде көктемгі су тасқыны қаупі сақталып отыр. «Қазгидромет» ұсынған алдын ала болжамға сәйкес, алдағы уақытта ауа райының жылынуы қардың жедел еруіне әкеліп, су басу қаупін арттыруы ықтимал.
Мамандар жүргізген бақылау нәтижесінде кейбір биік таулы аудандарда жауын-шашын мөлшері 150 миллиметрден асқаны анықталған. Бұл аталған аумақтарда ылғалдың шамадан тыс жиналғанын көрсетеді.
Алдын ала болжам бойынша, су тасқыны қаупі жоғары өңірлер қатарына:
– Ақмола облысы,
– Солтүстік Қазақстан облысы,
– Қарағанды облысы,
– Шығыс Қазақстан облысы,
– Абай облысы кіреді.
«Қазгидромет» өкілдері бұл мәліметтердің алдын ала жасалғанын атап өтті. Нақты болжамдар көктем мезгіліне жақын, қардың еру қарқыны мен өзендердегі гидрологиялық жағдай толық нақтыланғаннан кейін жарияланады.
