|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Алматы әуежайында қызметкерді кепілге алу оқиғасынан кейін стратегиялық нысандардың қауіпсіздік жүйесі қайта қаралатын болды. Бұрын қабылданған заңдарға түзетулер енгізілуі мүмкін, - деп хабарлайды Dauletten.kz.
- Ішкі істер министрінің тапсырмасымен әуежайлар мен теміржол вокзалдарында тексеру жүргізіліп жатыр. Уәкілетті мемлекеттік органдарда нақты алгоритм бар. Осы тексеру нәтижесінде үкіметке нормативтік-құқықтық актілерге өзгерістер енгізу туралы ұсыныстар жолданады. Сонымен қатар, мұндай жағдайлардың алдын алу үшін қосымша шаралар қабылданады, — деді ішкі істер министрінің орынбасары Санжар Әділов.
2009 жылға дейін әуежайларда қауіпсіздікті қамтамасыз ету көлік полициясының міндеті болған, алайда кейін бұл функция авиация қауіпсіздігі қызметіне берілген. Осыған байланысты Алматы әуежайындағы кепілге алу оқиғасына қатысты тексеру басталып, оның қорытындысы бойынша әр қызметкердің әрекетіне құқықтық баға берілмек.
Яғни, авиация қауіпсіздігі қызметінің қызметкерлері жауапқа тартылуы мүмкін, ал полицейлерге шара қолданылмайды. Себебі сол күні әуежайда адамдардың көп болғанын ескере отырып, полиция белгіленген алгоритмге сәйкес әрекет еткенін айтты Санжар Әділов.
