|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Әлеуметтік желілерде Қазақстанда жоғалған заттарды тауып алған адамдарды жазаға тарту мүмкін екені туралы ақпарат тарады. Таратылған хабарламаға сәйкес, көшеде немесе қоғамдық орында ақша, әмиян, ұялы телефон тауып алған адам оқиғаның орнын видеоға түсіріп, кейін полицияға хабарласып, олардың келуін күтуі қажет. Егер ол мұны жасамаса, жоғалған ақшаны иемденген адамға “ұрлық” бабы бойынша айып тағылуы мүмкін екені айтылған, – деп хабарлайды Dauletten.kz StopFake.kz сайтына сілтеме жасап.
Алайда ҚР Ішкі істер министрлігінің баспасөз қызметі бұл ақпараттың шындыққа жанаспайтынын мәлімдеді.
- Қазақстан Республикасы Жоғарғы Сотының 2003 жылғы 11 шілдедегі №8 “Бөтеннің мүлкін заңсыз иемдену жөніндегі істер бойынша сот тәжірибесі туралы” қолданыстағы нормативтік қаулысының 2-тармағына сәйкес, кездейсоқ табылған немесе кінәлі адамның қолына түскен бөтен мүлікті иеленіп алу бөтеннің мүлкін заңсыз иемдену ретінде қарастырылмайды. Осыған байланысты, әлеуметтік желілерде тараған ақпарат шындыққа сәйкес келмейді, – делінген ІІМ-нің ресми жауабында.
