|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
“Азаматтарға арналған үкімет” мемлекеттік корпорациясы жүргізуші куәлігін рәсімдеу кезінде 073/е үлгісіндегі медициналық анықтаманы автоматты тексеру жүйесін енгізді, - деп хабарлайды Dauletten.kz.
- Енді азаматтар "Жүргізуші куәлігін беру" мемлекеттік қызметін алу барысында медициналық анықтаманы қағаз түрінде тапсырудан босатылады. Медициналық тексерудің қорытындылары тікелей ақпараттық жүйе арқылы ХҚКО-ға жолданады. Бұл жаңашылдық өтініштерді өңдеу уақытын қысқартып, жалған құжаттардың алдын алуға және қызмет көрсету процесінің ашықтығын қамтамасыз етуге көмектеседі, – делінген корпорацияның хабарламасында.
Корпорация өкілдерінің айтуынша, бұл бастама ауқымды цифрлық жаңғырту жұмыстарының бір бөлігі саналады және мемлекеттік органдар арасындағы өзара әрекеттестікті жетілдіру арқылы мемлекеттік қызметтердің сапасы мен қолжетімділігін арттыруды көздейді.
- Сонымен қатар, егер жүргізуші куәлігі жарамдылық мерзімі бітерден бұрын ауыстырылса, медициналық тексеруден өту талап етілмейді. Сондай-ақ, психоневрологиялық және наркологиялық диспансерлерден анықтама тапсыру да қажет емес, – деп еске салды корпорация өкілдері.
