|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қазақстан Республикасы Бас прокуратурасының сұрауы бойынша Ресей Федерациясынан бюджет қаражатын аса ірі мөлшерде жымқырды деген күдікке ілінген азамат Қазақстанға қайтарылды, - деп хабарлайды Dauletten.kz.
Тергеу деректеріне сәйкес күдікті 2020–2022 жылдары құрылыс компаниясының басшысы бола жүріп, сыбайластарымен жалған шарттар жасап, аффилирленген компаниялар арқылы қаражат аударған. Нәтижесінде "Самұрық-Энерго" АҚ-ның еншілес ұйымынан 8,5 млрд теңгеден астам қаражат ұрланған. Бұл қаржы Ақмола облысында жел электр станциясын салуға арналған еді.
Қылмыстан кейін күдікті жасырынған, оған халықаралық іздеу жарияланды. Биыл ақпанда Ресей аумағында ұсталып, Бас прокуратураның сұрауы бойынша Қазақстанға экстрадицияланды. Қазір ол тергеу изоляторында қамауда отыр.
Осы іске қатысы бар өзге тұлғалар биыл мамыр айында түрлі мерзімге сотталған.
Заң бойынша мұндай қылмыс үшін мүлікті тәркілей отырып 5 жылдан 10 жылға дейін бас бостандығынан айыру жазасы қарастырылған.
Бас прокуратура қылмыстық жауаптылықтан жалтарып жүрген тұлғаларды іздестіру және елге қайтару жұмыстарын жалғастыруда.
