Қаржылық сауат

Салық жеңілдігі кімдерге қарастырылған?

22.01.2024

1 мин

9

10921

ҚР Қаржы министрлігі салығын заңды түрде төлеп отырған адал кәсіпкерлерді ынталандыру, салығын жеңілдету көзделгенін мәлімдеді, деп хабарлайды Dauletten.kz.

Заңнаманың барлық талаптарын сақтайтын, оның ішінде тек қолма-қол ақшасыз есеп айырысу бойынша жұмыс істейтін адал кәсіпкерлер қазірдің өзінде ТБЖ негізінде салықтық бақылау саласынан шығарылуда, жасыл дәліз бойынша Кедендік рәсімдер өтуде.

Сервиске бағдарланған әкімшілендіруді енгізе отырып, жаңа Салық кодексі шеңберінде мұндай компанияларға қосымша ынталандыру шаралары ұсынылатын болады.

Бұл төлемдер бойынша кейінге қалдыруды алуды жеңілдету, ҚҚС-ты жедел қайтару және басқа шаралар.

Сонымен қатар, бизнес шығындарын азайту үшін мәселелер пысықталуда:

• POS - терминалға және QR-төлемдерге қызмет көрсету үшін эквайринг құнын төмендету;
• кәсіпкерлік қызметті жүзеге асыру бойынша шоттарды онлайн ашу мүмкіндігі бөлігінде ЕДБ төлем жүйелерін пысықтау;
• мобильді банктік қосымшада кассалық (фискалдық) чекті қалыптастыру мүмкіндігі үшін ЕДБ төлем жүйелерін жетілдіру (кассаның Kaspi-ге ұқсастығы бойынша) және кейіннен фискалдық деректер операторларының тізіміне енгізу;
• қолма-қол ақшасыз жүргізілген төлемдер бойынша сатып алушылар үшін кэшбекті немесе өзге де мотивациялық құралдарды ұлғайту (QR төлемдері, банк картасы және т.б.).