Товарные рынки | ||
BID | ASK | |
Brent | 0.00 | 0.00 |
Лайт | 0.00 | 0.00 |
Елімізде мемлекеттік кірістер органы қызметкерлерінің еңбекақысын көбейтіп, бірыңғай киім үлгісін қабылдау жоспарланып отыр. Бұл туралы Қаржы министрі Ерұлан Жамаубаев айтты.
Оның айтуынша, қызметкерлердің айлық табысының төмен болуы жемқорлыққа жол береді. Сонымен қатар, болашақта қабылданатын шаралар білікті мамандарды сақтап қалуға септігін тигізеді.
«Бұл саладағы жағдайлар тәжірибелі мамандардың қызметтен кетуіне және алған білімдерін басқа жерлерде қолдануына әкеледі. Сол себепті, базалық жалақыға үстемақының қосылуын және бірыңғай нысанды киім үлгісін қабылдап, сыныптық шендерді енгізу ұсынылады», - деді Жамаубаев.
Ол аталмыш шаралар жемқорлық деңгейін төмендетіп, білікті мамандар қатарын арттыруға мүмкіндік беретінін алға тартты.