Жаңалықтар

Шымкентте жас ғалымдар балама энергия көздерін жасап жатыр

08.10.2024

1 мин

0

202

Сурет:social-idea.ru

Шымкентте жас ғалымдар балама энергия көздерін жасап жатыр, - деп хабарлайды Dauletten.kz.

Оқушылар жаңбырдан электр қуатын өндіретін генератор құрастырды. Жобасы халықаралық байқауда жеңіске жетті. Қазір олар технологияны жетілдіру үстінде. Олардың айтуынша, бұл ноу-хау болашақта күн панельдеріне балама бола алады. Шымкенттік оқушылар жаңбырдан электр энергиясын алудың жолын тапты. Балама энергия көздерін жасау бойынша әлемдік тәжірибені зерттеп, олар тамшы негізінде өздерінің генераторын құрастырды. Оның қалай жұмыс істейтінін жобаның авторларының бірі  Мөлдір Смайыл қуана көрсетті.

Біз су құямыз, ал тамшыларымыз төмен түседі. Мұнда екі қабат бар, олардың бірі тефлон, төменгі жағындағы шыныға біз индий-қалайы оксидін жаққанбыз. Энергия тамшылардың үйкелісінен пайда болады. Бұл ешқандай ғажайып емес, тек физика және нақты есептеулер. Тамшылардың материалмен өзара әрекеттесуінің қашықтығы мен ауданын дұрыс есептеу маңызды. Бұл генераторды пайдалану өте оңай. Мұнда тек екі материал қажет: жартылай өткізгіш және электрод. Бұл энергия алу үшін жеткілікті. Экожүйе бұзылмайды, себебі көміртегі отыны оған зиян тигізеді, - дейді Шымкент қаласы №8 мамандандырылған гимназиясының оқушысы Мөлдір Смайыл. 

Жас ғалымдар жоғары ылғалдылық кезінде, әдеттегі бөлме температурасында, ауадан да электр қуатын алуға болатынын анықтады. Жобаның жетекшісі Юрий Грязнов — Шымкенттегі танымал педагог, ол білім саласындағы жетістіктері үшін "Ыбырай Алтынсарин" төсбелгісімен марапатталған. Ұстаз оның оқушылары ғылыми серпіліс жасағанын айтады.

Юрий Грязнов, Шымкент қаласы №8 мамандандырылған гимназиясының физика пәні мұғалімі:

Бір кездері электромагниттік толқындарды тасымалдау мүмкіндігі қазіргі ұялы телефондар сияқты қолданылуға ие болды. Сондықтан біз мұны бастама деп санаймыз. Бәлкім, біз қазір тарихты жасап жатқан шығармыз және болашақта жүзеге асқан жобамыз жаһандық өзгерістер әкеледі.

Бұл ноу-хауды өзен-көлдерге жақын жерлерде қолдануға болады. Әзірге шағын қуат туралы сөз болып отыр. Дегенмен әзірлеушілер оның күн батареяларын қолданудан 10 есе арзан болатынын есептеп шықты. Генератордан басқа, оқушылар ғарышқа зиянды қалдықтарсыз зымыран ұшыру идеясын ұсынды. Олар бір күні өз жобалары мектеп қабырғасынан шығып, практикалық қолданысқа ие болады деп үміттенеді. Әзірге олар механика мен математика бойынша халықаралық байқауда жүлделі орын алып, танымалдылыққа ие болды.