|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Таиландтан сәлемдеме алған қазақстандық 16 жылға сотталды, - деп хабарлайды Dauletten.kz
Қаржылық мониторинг агенттігінің мәліметінше, Алматы облысы Іле ауданының "Қазпошта" бөлімшесіне жалпы салмағы 800 грамға жуық каннабис сығындысы (гашиш майы) бар сәлемдеме жеткізілген.
- Жедел-іздестіру шаралары барысында күдіктінің Telegram мессенджері арқылы Таиландтан есірткіге тапсырыс бергені анықталды. Пошта жөнелтілімін тексеру кезінде косметикалық заттардың ішінде жасырылған 8 банканың ішінен есірткі табылды, – делінген ресми хабарламада.
Соттың шешімімен айыпталушыға 16 жылға бас бостандығынан айыру жазасы кесіліп, тәркіленген есірткі заттары жойылды.
Айта кетейік, 2024 жылдың басынан бері Қаржылық мониторинг агенттігі контрабанда және есірткі айналымына байланысты 135 қылмыстық іс қозғаған.
Нәтижесінде 77,1 келі есірткі, 3,2 келі психотроптық заттар, 206 мыңнан астам анаболик (улы заттар), сондай-ақ 1 700 "Тропикамид" көз тамшылары тәркіленді.
