Жаңалықтар

Таразда мектеп оқушылары жанжалдасып, оқушы көз жанарынан айырылды

15.04.2026

мин

0

132

Тараз қаласындағы мектептердің бірінде оқушылар арасындағы жанжал ауыр жағдайға ұласты. Төбелес салдарынан бір оқушы көз жанарынан айырылды, — деп хабарлайды Dauletten.kz. 

Оқиға мектеп ішінде, үзіліс уақытында болған. Алдын ала мәліметке сәйкес, 9 және 10-сынып оқушылары арасында туындаған келіспеушілік кейін төбелеске ұласқан.

Жанжал барысында 10-сыныпта оқитын оқушы ауыр жарақат алып, бір көзінің көру қабілетінен айырылған. Зардап шеккен балаға дереу медициналық көмек көрсетіліп, күрделі ота жасалған.

Оқушының анасының айтуынша, дәрігерлер оның көзін сақтап қалуға тырысқанымен, толық қалпына келтіру мүмкін болмаған.

Аталған дерек бойынша құқық қорғау органдары қылмыстық іс қозғады. Сотқа дейінгі тергеу басталып, күдікті ұсталды. Қазіргі уақытта ол уақытша ұстау изоляторына қамалуы мүмкін.

Оқиғаның барлық мән-жайы анықталып жатыр.