|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Таразда қалалық саябақтың жанынан өтіп бара жатқан адамдар зорлық-зомбылық белгілері бар ер адамның денесін тауып алды, – деп хабарлайды Dauletten.kz.
Таңертең жұмысқа асығып бара жатқан жүргіншілер ағаш түбінде жатқан ер адамды байқап, жақындап қарағанда, оның басынан ауыр жарақат алғанын көрген. Редакцияға оқиға орнынан түсірілген видео түскен, алайда этикалық себептерге байланысты оны жарияламау туралы шешім қабылданды.
Жамбыл облыстық Полиция департаментінің мәліметінше, бұл оқиға бойынша “Адам өлтіру” бабы негізінде қылмыстық іс қозғалған. Қаза болған азаматтың жеке басы анықталды.
- Қазіргі уақытта күдіктіні анықтау және ұстау үшін жедел-іздестіру шаралары жүргізілуде, – деп мәлімдеді ведомство.
Кейін әлеуметтік желілерде марқұм құқық қорғау органдарының бұрынғы қызметкері болуы мүмкін деген ақпарат тарады. Алайда полиция бұл мәліметке қатысты түсініктеме берген жоқ.
