|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
АҚШ-тың Техас штатында орын алған жойқын су тасқыны салдарынан 160 адам із-түссіз жоғалып, іздестіру-құтқару жұмыстары әлі де жалғасуда, - деп хабарлайды Dauletten.kz CNN-ге сілтеме жасап.
Соңғы ресми мәліметтерге сәйкес, қаза тапқандар саны 120 адамға жеткен. Оның ішінде Керр округінде 96 адам — 60 ересек пен 36 бала көз жұмған. Сонымен қатар, Mystic жазғы лагерінен бес бала мен бір тәрбиеші жоғалып кеткені хабарланды.
NASA құтқару операцияларына қолдау ретінде екі ұшақ жіберді. Агенттік өкілдерінің айтуынша, бұлтты ауа райы спутниктік бақылауға кедергі келтіріп отыр, алайда өзге ұшқыштар апат болған аймақтар туралы мәлімет жинауға көмектесуде.
Жергілікті тұрғындар төтенше жағдай жайлы алдын ала ескерту болмағанына наразы. Олар қауіп-қатер туралы дабыл беру жүйесін орнатуды талап етіп, онлайн петиция ұйымдастыруда.
Айта кетейік, су тасқыны 4 шілде күні таңғы уақытта Гвадалупе өзенінің арнасынан асып, Керр округі мен оған жақын аймақтарды шайып кеткен. Бар-жоғы 45 минут ішінде су деңгейі 26 футқа көтерілген.
