|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Мамандар жыл соңына дейін теңге тағы құнсыздануы мүмкін екенін айтады. Олар 2022 жылы теңге доллар бағамы бойынша 500 теңгеге жетуі мүмкін екенін болжады.
Ал Ұлттық банк мәліметіне сүйенсек, бүгінде ақша айырбастау орталықтарында жағдай тұрақты және бұндай болжам жасауға әлі ерте, деп хабарлады "Астана" арнасы.
2014 жылдан бастап ұлттық валюта 20%-ке құнсызданды. Десе де, Ұлттық банк мамандары дәл осындай жағдай қайталанбайтынын айтқан еді. Бірақ теңге жыл сайын құлдырап барады.
Экономист Арман Байғановтың айтуынша, теңгенің құнсыздануына себеп көп. Әсіресе індет тарап, қатаң карантин талаптарының қабылдануы да әсер етті. Жыл сайын теңге 3-4%-ке құнын жоғалтуда. Осы ретте, сарапшы 2022 жылы 500-ге дейін өсіп кетуі мүмкін екенін айтады.
Статистика бойынша, 10 жыл ішінде ұлттық валютаның долларға шаққандағы өсімі 2,5 есе өскен. Ал Ұлттық банк мамандары теңге бағамына қатысты болжам жасауға асықпайды. Олар экспорт мен импорт теңдігінің нәтижесінде теңге тұрақты жағдайда екенін алға тартты. Бірақ ішкі факторлардың әсерін банк өкілдері де мойындап отыр.
"Осы факторлардың барлығы валюта нарығындағы сұраныс пен ұсыныстың тепе-теңдігіне әсер етеді. Қазіргі шетел валютасына сұраныстың артуы мұнайдың салыстырмалы түрде жоғары бағасына қарамастан теңгенің нығаюына мүмкіндік берер емес", - деп түсіндірді Ұлттық банктің басқарма басшысы Мұхтар Орман.
Мамандар қаржыны депозитте ұлттық валютада сақтап, тәуекелге бармауға кеңес береді.
Тағы көру
