Жаңалықтар

Тоқаев Дәулет Бекмановты Қорғаныс министрінің орынбасары лауазымына тағайындады

24.09.2026

мин

0

75

Сурет: Ақорда

Мемлекет басшысының өкімімен Дәулет Нысанқұлұлы Бекманов Қазақстан Республикасының Қорғаныс министрінің орынбасары қызметіне тағайындалды, - деп хабарлайды Dauletten.kz.

Бекманов бұған дейін мемлекеттік қызметтерді автоматтандыру және ақпараттық технологиялар саласында түрлі лауазымдар атқарған.

2020-2023 жылдары Цифрлық даму, инновациялар және аэроғарыш өнеркәсібі министрлігінің Мемлекеттік қызметтер комитетін басқарды. 2023-2025 жылдары «Қазпошта» АҚ-да мемлекеттік қызметтер көрсету жөніндегі басқарушы директор болды.

2025 жылғы шілдеден бастап «Ұлттық ақпараттық технологиялар» АҚ басқарма төрағасы қызметін атқарып келеді.

Дәулет Бекманов «Мирас» университетін «Информатика», ал М.Әуезов атындағы Оңтүстік Қазақстан мемлекеттік университетін «Мемлекеттік және жергілікті басқару» мамандықтары бойынша тәмамдаған.