|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қазақстандықтар WhatsApp арқылы алаяқтықтың жаңа түрі туралы талқылап жатыр, - деп хабарлайды Dauletten.kz stopfake.kz-ке сілтеме жасап.
Әлеуметтік желілерде тұрғын үйлердің кіреберісіне QR коды бар хабарландырулар ілініп, сол арқылы үйдің ортақ чатына қосылу ұсынылатыны туралы ақпарат тарады. Белгісіз дереккөздер QR кодты сканерлеген кезде тұрғындардың банк карталарынан ақша шешіліп алынады деп мәлімдеген.
Бұл хабарлама қазақстандық әлеуметтік желілерде кеңінен тараған. Атап айтқанда, Екібастұз қаласындағы жергілікті парақшалардың бірінде осы туралы жазылған.
Екібастұз қаласының полиция басқармасы бұл жазбаға ресми жауап берді:
- Бұл ақпарат шындыққа жанаспайды. Полицияға мұндай хабарландыруларға қатысты ешқандай шағым түскен жоқ. Мұндай дерек көрші елдерде тіркелген, - делінген хабарламада.
Қазақстандық полицейлер сілтеме берген БАҚ алаяқтық схема туралы егжей-тегжейлі ақпарат берген.
Қазақстанда бұл ақпарат жалған болып шыққанымен, мамандар QR кодтарды сканерлеу кезінде сақ болуды және сілтемелердің қауіпсіздігін тексеруді ұсынады.
