Brent
WTI
kz
kz ru
Нұр-Сұлтан
Нұр-Сұлтан
Алматы
Ақтау
Ақтөбе
Атырау
Қарағанды
Көкшетау
Қостанай
Қызылорда
Павлодар
Семей
Петропавл
Талдықорған
Тараз
Шымкент
Орал
Өскемен
CNY
MNT
KGS
UZS
TRY
Сіздің өтінішіңіз сәтті жіберілді, Рақмет!
Жаңалықтар
Жаңалықтар

Вакансиялар жәрмеңкесі – мүмкіндіктер алаңы

19.09.2022
1 мин
0
2086

Елордада 28-29 қыркүйекте Digital Bridge халықаралық техноло­гиялық форумы аясында ІТ-вакансиялар жәрмеңкесі өтеді. EXPO көрме орталығының алаңында халықаралық және қазақстандық ІТ-компаниялар жұмыс іздеушілерге ақпараттық технологиялар, Data science, blockchain саласы бойынша 500-дей вакансия ұсынады.

Цифрлық даму, инновация­лар және аэроғарыш өнеркәсібі ми­нистр­лігі, сондай-ақ Астана қа­ла­сы әкімдігі және Astana Hub ІТ-стартаптар халықаралық техно­паркі ұйымдастырып жатқан бұл жәрмеңкеде 20 шақты компания жұмыс іздеушілерге жоғары технологиялар саласындағы мансаптық мүмкіндіктер туралы айтып, ұйым­дары жайлы толыққанды ақпаратпен бөліседі.

«Digital Bridge 2022 ІТ-вакан­сиялар жәрмеңкесі – HR-мамандар, ІТ-саласындағы алдыңғы қатарлы халықаралық және қазақстандық рекрутерлер бас қосып, кәсіпқойларға, фрилансерлер мен жас мамандарға жұмыс орнын ұсынатын карьера­лық мүмкіндіктер алаңы. Бұл жерде әркім өзі мақсат еткен қызметіне қол жеткізіп, армандарын жүзеге асыра алады», - деді Astana Hub атқарушы кеңсесінің директоры Дания Ахметова.

ІТ-вакансиялар жәрмеңкесі жұ­мыс орнын ауыстырғысы келетін кәсіпқойларға, жаңа жобаларға қа­тысқысы келетін фрилансер­лерге, жас мамандарға және ЖОО, бағдарлама­лау мектептерінің тәжірибе жина­ғысы келетін студенттеріне арналған. Олар Epam, Sergek, Beeline, Kazdream, Documentolog, Tech Culture, ҰАТ, Қазақтелеком, Mytona, Freedom Finance, Halykbank, 2GIS, Coursera, KASPI, Huawei, Astana Hub және т.б. ірі компаниялардың ұсыныста­рын қарастырып, жұмысқа орналаса алады.

Айта кету керек, бұл жәрмеңкеге компаниялар да, жұмыс іздеуші­лер де тегін қатыса алады. Тек digital­bridge.kz сайты арқылы тіркеуден өтсе жеткілікті.

«ІТ-индустриясындағы кадр­лар­ға деген сұраныс күн сайын ар­тып келеді, сондықтан компания­лар­ға үнемі ІТ-мамандар қажет. Тек кәсіпқойлар­ды емес, әлеуетті жас мамандарды да жоғары жалақы және қолайлы жұмыс жағдайымен қамтамасыз етуге дайын. Бұл орайда ІТ-вакансиялар жәрмеңкесі жұ­мыс іздеушілерге ғана емес, жұ­мыс ұсынушыларға да тиімді. Мы­салы, биыл жазда өткен осындай жәрмеңкеге қатысқан біздің компания бірнеше қызметкер тапты, қазір олар бізде жақсы жұмыс істеп жатыр», - дейді Kazdream ІТ-компаниясы бөлімінің басшысы Мария Бережная.

Еске салсақ, 28-29 қыркүйекте елордада жыл сайынғы Digital Bridge халықаралық технологиялық форумы өтеді. Биылғы форумның тақы­рыбы – «Central Eurasia as a new tech platform» – «Орталық Еуразия жаңа технологиялық платформа ре­тінде қалыптасуда».

0 Пікір
Қазір желіде отырғандар
Человек
Көп оқылған мақалалар
  • тәулік
  • апта
  • ай
  • жыл