Жаңалықтар

Зейнетақы қорындағы ақшаны қалай алуға болады?

06.01.2021

1 мин

19

3596

Мемлекет басшысының тапсырмасы бойынша азаматтар қаңтар айынан бастап  зейнетақы қорындағы ақшаның бір бөлігін пайдалана алады. Осы орайда, зейнетақы қорындағы қаражатты тексеру мен алуға болатын соманы білу жолдарын ұсынамыз.

Қолжетімді соманы тексерудің екі тәсілі бар:

• БЖЗҚ веб-сайтындағы жеке кабинеттен https://cabinet.enpf.kz;
• AppStore немесе PlayMarket-тен жүктеуге болатын БЖЗҚ мобильді қосымшасы арқылы.

Ол жерден өзіңіздің жинақ сомаңызды, жасыңызға сай ең төменгі «жеткіліктілік шек» мөлшерін білуге болады. Сондай-ақ, мерзімінен бұрын алуға болатын соманы біле аласыз. Салықты  бірден немесе зейнетке шыққаннан кейін төлеуге шешім қабылдаған жағдайда, нақты алуға болатын соманы анықтауға болады.

Зейнетақы шотындағы қаражатты емделу немесе тұрғын үй жағдайын жақсарту мақсатында алу үшін соманы телеграм арқылы да тексеруге болады.

Ол үшін зейнетақы қорының ресми @ENPFbot телеграм каналына кіріңіз:

1. «Бастау» батырмасын басыңыз;
2. Тілді таңдаңыз;
3. «ЗЖ жай-күйі туралы ақпарат» қызметін таңдаңыз;
4. Содан кейін сізге «info ЖСН және құпия сөз туралы ақпаратты» енгізу керек.

Жауап ретінде сізге жеке кабинетіңіздің көшірмесі бар PDF файл жіберіледі. Файлда жинақ сомасы, азаматтың жасына сәйкес «жеткіліктілік шек» мөлшері және мерзімінен бұрын алуға болатын сома туралы мәліметтер көрсетіледі.