|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
17 наурыз күні Меркі аудандық орталық ауруханасының жұқпалы аурулар бөліміне "Нұрай бөбекжайының 10 баласы жеткізілді. Оқиғаның себебін анықтау үшін арнайы жұмысшы тобы құрылды, - деп хабарлайды Dauletten.kz.
Жамбыл облысы әкімдігінің мәліметінше, 9 балаға жіті ішек инфекциясы, ал 1 балаға энтеровирустық инфекция диагнозы қойылған. Бір бала жансақтау бөліміне ауыстырылып, қазіргі жағдайы тұрақты, оң динамика байқалады. Облыс әкімі Ербол Қарашөкеевтің тапсырмасымен жағдайды зерделеу және аурудың шығу көзін анықтау мақсатында жұмысшы топ құрылған. Әкім балалардың жағдайымен жеке танысты.
Қазіргі таңда ауруханада қосымша төсек орындары дайындалып, дәрі-дәрмек қоры жеткілікті. Меркі аудандық санитариялық-эпидемиологиялық бақылау басқармасы тексеру жұмыстарын бастап, қажетті сынамалар алынған, қорытындылары күтілуде.
Оқиғаға байланысты "Нұрай" бөбекжайының қызметі екі тәулікке тоқтатылып, ғимаратта залалсыздандыру жұмыстары жүргізілуде. Ата-аналарға тиісті ақпарат берілді. Тексеру нәтижелері бойынша құзырлы органдар тарапынан қажетті шешімдер қабылданады. Әкімдік өкілдерінің айтуынша, қоғамдық жағдай тұрақты және бақылауда.
