|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Өткен күзде Талғарда ұлы Шерзаттан айырылып, орны толмас қайғыға душар болған Қаржаубай Нұрымовтың қарындасы Перизат Нұрымова жаңа үйге қоныстанды. Қоғам белсендісі Дінмұхамед Қаматай баспананың халықтың көмегімен сатып алынғанын мәлімдеді, - деп хабарлайды Dauletten.kz.
Белсенді әлеуметтік желідегі парақшасында бұл игі іске қолдау білдірген барлық жанашыр азаматтарға алғыс айтып, олардың көмегінің маңыздылығын атап өтті.
- Қайғылы оқиғадан кейін Перизаттың отбасы қиын кезеңді бастан өткерді. Қауіпсіздік мәселесі бәрімізді алаңдатты. Сондықтан біз оларға қолдау көрсету мақсатында жаңа үй сатып алдық. Бұл үй – тек баспана ғана емес, жаңа өмірдің бастауы. Алты баланың батыр анасы Перизатқа демеу болған – сіздер. Бұл баспана оларға тек тұратын жер емес, болашаққа деген сенім мен жаңа өмірге қадам жасау мүмкіндігін сыйлайды. Қоғамдық бірліктің маңызын көрсету үшін осындай жағдайда қолдау көрсету әрқайсымыз үшін маңызды. Біз Перизаттың отбасын қиын сәтте жалғыз қалдырмай, жанынан табылатынымызды білдіргіміз келеді, – деді ол.
Өз кезегінде Перизат Нұрымова да қолдау көрсеткен барша халыққа алғыс білдірді.
