|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Тұрғын үй құрылыс жинақ банкінде баспанаға қатысты бағдарларламалар жайлы «Қазақстанның тұрғын үй құрылыс жинақ банкі» АҚ басқарма төрайымы Ләззат Ибрагимова PrimeMinister.kz-ке берген сұхбатында айтты.
Сұхбат барысында Ләззат Ибрагимова 1 шілдеде ашылған «Жас отбасы» бағдарламасы жайлы толығырақ тоқталды.
«Шаңырақ құрғанына 3 жыл толмаған жас отбасылар депозит ашып, бірден тұрғын үй құнының жартысын, яғни 50%-ын сала алады. Бұл жағдайда ипотека төмендетілген мөлшерлемемен ресімделеді. Бізде негізінен 8,5%, ал жас отбасылар үшін арнайы 6% мөлшерлемені белгіледік. Сұраныс өте жоғары, бір айда 1,5 мыңға жуық депозит ашылды», - деді Л.Ибрагимова. Оның айтуынша, қазір жас отбасының жылын 3 жастан 5 жасқа дейін арттыру мәселесі қарастырылып жатыр.
«Қазір көптеген отбасылар: «Неге 3 жыл? 5 жыл уақыт та жас отбасы үшін ұзақ уақыт емес. Бізді де қолдаңыздар» деп жазып жатыр. Біз бұл ұсыныстарды қарастырамыз. Сондықтан біз үшін Отбасы банк трансформациясы тек қағаз жүзінде ғана емес, іс жүзінде орындалғаны өте маңызды. Біз отбасылар үшін мамандыққа, әлеуметтік мәртебеге қарамастан, тең қолжетімді болғанын қалаймыз», - деді ол.
Табысы төмен әр отбасы төмен мөлшерлемемен баспана алуға мүмкіндігі болуы керек.
«Біз жыл соңына дейін Индустрия және инфрақұрылымдық даму министрлігімен бірге Үкіметтің қолдауымен заңнамалық бастамалардың үлкен топтамасын іске асырып, қоғамға түсіндіретін боламыз, содан кейін толық дайын болғанда және Отбасы банкінің аталған жоғары статусына сай болған сәтте біз қайта атау процесін қолға аламыз», - деп атап өтті Л.Ибрагимова.
Жылжымайтын мүлік нарығына келер болсақ, бұл қоғамда көп талқыланып жатқан өзекті мәселе.
«Карантиннен кейін біз барлық ипотекаға деген сұраныстың артқанын байқадық. Маусым айында біз 5 мыңнан астам қарыз бердік. Бұл наурыз, сәуір және мамырдан бастап кейінге қалдырылған сұраныс. Шілде айында да сұраныс аса жоғары болды. Біз сондай-ақ «Бақытты отбасы», «Әскери баспана» бағдарламаларын іске асырып жатырмыз, «5-10-20» өтінімдерін қарауды толықтай тамыз айынан бастаймыз. Айта кетерлігі, элиталық тұрғын үй нарығында бағаның төмендеуі байқалады, өйткені өте үлкен қымбат пәтерлерге деген сұраныс төмен. Менің ойымша, қайталама тұрғын үй нарығында баға төмендеуі мүмкін, өйткені онда бәрі сату жылдамдығына байланысты, яғни егер сіз қымбат бағаға сатқыңыз келсе, онда сіз ұзақ уақыт жүріп қаласыз», - деп түсіндірді Л.Ибрагимова.
Оның айтуынша, бүгінгі таңда Қазақстанда жылжымайтын мүлік бағасының өсуіне ықпал ететін ешқандай фактор жоқ. Сонымен қатар ұзақ мерзімді перспективада сұраныс жоғары болады, өйткені жастар саны өсуде.
Тағы көру
