|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Түркістан қаласында жүкті әйеліне жедел жәрдем көрсеткен фельдшерге қол көтерген ер адам уақытша ұстау изоляторына қамалды, - деп хабарлайды Dauletten.kz.
Оқиға 26 тамыз күні болған. Іші қатты ауырған жүкті әйелді қарау үшін келген 26 жастағы фельдшерді науқастың күйеуі қызғанышпен ұрып-соққан. Куәгерлердің айтуынша, ер адам медицина қызметкерін жұдырықпен ұрып, қабырғаға соғып бірнеше рет тепкен. Соққыдан есінен танған фельдшер травматология бөлімшесіне жеткізілді. Дәрігерлер оның сауығуына кемінде екі апта қажет екенін айтады.
Алғашында тараптар өзара келісімге келгені хабарланған еді. Дегенмен полиция "медицина қызметкеріне күш қолдану" дерегі бойынша қылмыстық іс қозғап, күдіктіні қамауға алды.
- Заңға қайшы әрекеттер жазасыз қалмайды. Бұл іс полиция басшылығының ерекше бақылауында, – деді Түркістан облыстық ПД бастығы Мұрат Кәбденов.
