Жаңалықтар

15 сәуірден бастап салық органдары мобильді аударымдарды тексере бастайды

07.04.2026

мин

0

302

Сурет: Шынар ақпараттық порталы

Қазақстанда банктер азаматтардың І тоқсандағы мобильді аударымдары туралы салық органдарына мәлімет береді. Хабарламалар тек күмәнді аударымдар анықталған жағдайда жіберіледі, — деп хабарлайды Dauletten.kz. 

2026 жылдың 15 сәуіріне дейін Қазақстан банктері салық органдарына азаматтардың 2026 жылғы І тоқсанындағы мобильді аударымдар туралы ақпарат тапсырады. Бұл мәліметтер негізінде күмәнді операциялар анықталған жағдайда, азаматтарға арнайы хабарлама жіберіледі.

Хабарлама алған жағдайда бірден айыппұл салынбайды. Жауап беру үшін 30 жұмыс күні беріледі:

Келіссеңіз — салық есебін тапсырып, төлем жасап немесе тиісті режимге өте аласыз.

Келіспесеңіз — өз жауабыңызды түсіндіріп, түсініктеме беруге құқығыңыз бар.

Егер хабарлама еленбесе немесе дәлел жеткіліксіз болса, тексеру басталуы мүмкін.

2026 жылдан бастап тексеру тек мына үш шарт бірге орындалған жағдайда жүргізіледі:

3 ай ішінде 100-ден астам адамнан ақша түсуі;

Аударымдар қатарынан 3 ай бойы қайталануы;

Жалпы сома 12 ең төменгі жалақыдан (1 020 000 ₸) асуы.

Туыстар мен достар арасындағы қарапайым аударымдар бұл талаптарға жатпайды.