|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Жаңа жылдың келуіне бірнеше күн қалды. Олай болса, 2021 жылы елімізде болатын бірқатар өзгерістерді Dauletten.kz сайты назарларыңызға ұсынады.
Қазақстанда биыл сәуір айынан бастап айлық есептік көрсеткіш 2 778 теңге болған. 2021 жылға белгіленген айлық есептік көрсеткіш 2 917 теңгені құрайды. Жалақының ең төменгі мөлшері, яғни 42 500 теңге өзгеріссіз қалады.
Азаматтар 2021 жылдан бастап зейнетақы қорындағы жинақтың бір бөлігін пайдалана алады. Заңға түзетулер енгізіліп, парламент жобаны қабылдады. Жобаға мемлекет басшысы қол қоюы керек.
Сонымен қатар, елімізде 2021 жылы мемлекеттік базалық зейнетақының ең төменгі мөлшері өседі. Өткен жылы оның мөлшері 17 641 теңгені құраса, 2021 жылы 18 524 теңгеге жетеді. Ал зейнетақының ең төменгі мөлшері 40 441 теңгеден 43 272 теңге болады.
Қаңтар айынан бастап педагогтердің жалақысы 25%-ке өседі. Асхат Аймағамбетов мектеп мұғалімдерінің ғана емес, балабақша, колледж, қосымша білім беру жүйесінің педагогтерінің айлығы көтерілетінін атап өтті.
Елімізде жаппай вакцинациялау басталады. Коронавирусқа қарсы QazCovid-in отандық екпені салу жоспарланған. Бірінші кезекте ерікті негізде дәрігерлер, мұғалімдер және созылмалы аурулары бар тәуекел топ өкілдеріне екпе салынатын болады.
Мектеп оқушылары кезекті тоқсанда аралас оқу жүйесіне ауысады. Ата-аналардың сұрауы бойынша 9,11,12 сынып оқушыларына мектепке барып білім алуға рұқсат беріледі. Сыныптағы бала саны 15-тен аспауы керек. Ал 1-5 сыныпта оқитын балалар кезекші сыныпта оқуды жалғастырады. Студенттер II семестрден бастап қатаң санитарлық талаптарды сақтай отыра аралас оқыту форматын бастайды.
Тағы көру
