|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
2025 жылы Қазақстанда заңсыз ұтыс ойындарын ұйымдастырған 121 адам әкімшілік жауапқа тартылды. Туризм және спорт министрлігі құқық бұзушыларға ескерту хатын жолдап, түсіндіру жұмыстарын жүргізді, - деп хабарлайды Dauletten.kz.
2025 жылы Қазақстанда заңсыз ұтыс ойындарын ұйымдастырған 121 адам әкімшілік жауапқа тартылды. Бұл ҚР Әкімшілік құқық бұзушылық туралы кодексінің 445-1-бабының 6-бөлігі бойынша жүзеге асырылды.
Құқық бұзушыларға қатысты ескерту хаттары жолданып, офлайн және онлайн түсіндіру кездесулері өткізілді. Әлеуметтік желілерде ұтыс ойындарын өткізген аккаунттардың тізімі ресми сайттарда жарияланған.
Жеке тұлғаларға айыппұл мөлшері – 100 айлық есептік көрсеткіш (АЕК), шағын кәсіпкерлік субъектілері үшін – 300 АЕК. Бір жыл ішінде құқық бұзушылық қайталанса, жеке тұлғаларға – 200 АЕК, кәсіпкерлерге – 750 АЕК айыппұл салынады. Сонымен қатар, әкімшілік құқық бұзушылықтан түскен табыс тәркіленеді.
Туризм және спорт министрлігі азаматтарды әлеуметтік желілерде ұйымдастырылатын күмәнді ұтыс ойындары мен акцияларға қатыспауға шақырды.
