|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
2026 жылдан бастап Астанада жүргізушісіз такси қызметі кезең-кезеңімен енгізіледі, - деп хабарлайды Dauletten.kz.
Келесі жылдан бастап елордада жаңа көлік форматы – автономды такси жобасы іске асырылады. Бұл бастама Жасанды интеллект және Көлік министрліктері, Астана қаласының әкімдігі және Yandex Qazaqstan компаниясы арасындағы меморандум аясында жүзеге асырылады.
Жобаның мақсаты – адам факторын азайтып, жол-көлік оқиғаларын төмендету. Сонымен қатар автономды такси қозғалыс ағынын реттеуге, тұрғындардың, оның ішінде мүмкіндігі шектеулі азаматтардың қозғалысын жеңілдетуге мүмкіндік береді.
Жобаны кезең-кезеңімен енгізу жоспарланып отыр. Алдымен таксилер пилоттық режимде сынақтан өтеді. Барлық операциялар қауіпсіздік талаптарына сай жүргізіледі және инфрақұрылымның дайын болуына ерекше назар аударылады.
- Жүргізушісіз такси бойынша пилоттық жобаны іске қосу – ақылды әрі қауіпсіз қалалық мобильділікті дамытудағы маңызды қадам. Автономды көлікті енгізу кезең-кезеңмен, азаматтардың қауіпсіздігін басымдыққа ала отырып іске асырылады, – деді премьер-министрдің орынбасары, жасанды интеллект және цифрлық даму министрі Жаслан Мәдиев.
Пилоттық бағыт ретінде Астана халықаралық әуежайынан Abu Dhabi Plaza сауда орталығына дейінгі маршрут таңдалған. Автономды көліктер жол жағдайларын, тәуекелдерді бағалағаннан кейін ғана оператор мен өндірушінің бақылауымен пайдалануға беріледі.
