|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қызылорда облысында шетелдік инвестордың қатысуымен ауқымды өндірістік жоба жүзеге аспақ, - деп хабарлайды Dauletten.kz.
Қызылорда облысында испаниялық инвестордың қолдауымен жаңа өндірістік хаб құрылмақ. Жоба аясында керамикалық санитарлық бұйымдар, жуынатын бөлмелерге арналған жиһаздар және санитарлық-техникалық өнімдер өндіретін зауыт салу көзделген. Инвестиция көлемі — 44 млрд теңге.
Кәсіпорынның құрылысы 2026 жылдың бірінші тоқсанында басталады. Зауыт іске қосылған соң шамамен 300 адам тұрақты жұмыспен қамтылады. Сонымен бірге қазақстандық мамандарды оқыту және олардың кәсіби деңгейін арттыру бағдарламалары іске асырылмақ.
Жаңа өндіріс жоғары автоматтандырылған технологиялармен жабдықталып, экологиялық қауіпсіздік талаптарына сай жұмыс істейді. Кәсіпорынның жылдық жобалық қуаты — 500 мыңға жуық өнім. Өндірілген тауарлар Қазақстан нарығына шығарылып, сондай-ақ Орталық Азия елдеріне экспортталады.
