Баспанаға бағыт

5%-тік ипотекаға өтінім қабылдау басталады

15.03.2021

1 мин

62

9867

Осы аптада «Алматы жастары» бағдарламасына өтінім қабылдау басталмақ. Оған алматылық жас мамандар үміткер бола алады.

Бағдарламаның негізгі шарттарына тоқталып өтейік:

• бағдарламаға қатысушының жасы 35-тен үлкен болмауы шарт;
• бастапқы жарна 10%-ті құраса, қалған ақшаны 5%-тік ипотека арқылы өтей аласыз;
• ипотека алуға үміткердің өзінің де, отбасы мүшелерінің де атында соңғы 5 жылда үй болмауы керек;
• бағдарламаға бір отбасыдан бір адам ғана өтінім бере алады.

Биыл «Алматы жастары» бағдарламасының талаптарынан қалада тіркеуде тұру міндеті алынып тасталып, ипотекадан үміткер сала мамандарының арасына құқық қорғаушылар да қосылды. Сондай-ақ былтыр шекті мөлшері 13 миллион теңгені құраған тұрғын үй заемдары биыл 18 миллионға дейін көтерілді.

«Алматы жастары» бағдарламасына өтінім беру наурыздың 31-не дейін жалғасады. Толығырақ ақпарат алып, тиісті құжаттарды өткізу үшін almaty-zhastary.kz сайты жұмыс істейді.

Айта кету керек, алдағы уақытта астаналық жас мамандар үшін де «Елорда жастары» бағдарламасы басталады.