|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Астанада М. Әуезов атындағы орталық кітапханада «Қаламгер ұстаханасы» жобасы аясындағы кезекті кездесу өтті, – деп хабарлайды Dauletten.kz.
Бұл жолғы шарада белгілі әдебиеттанушы, ҚР Мемлекеттік сыйлығының лауреаты Сауытбек Абдрахманов «Әбіш әлемі» тақырыбында лекция оқыды. Іс-шара Астана қаласы әкімдігі мен Тілдерді дамыту және архив ісі басқармасының қолдауымен өтті.
Кездесуге қаламгерлер, әдебиет сүйер қауым мен студент жастар қатысты. Лекция барысында Сауытбек Абдрахманов қазақ әдебиетінің көрнекті өкілі, ойшыл жазушы Әбіш Кекілбаевтың шығармашылық мұрасына тоқталып, оның ұлттық руханияттағы орны мен бүгінгі буынға әсерін кеңінен талқылады.
Шара соңында қатысушылар жазушы мұрасына қатысты ой бөлісіп, «Қаламгер ұстаханасы» жобасы аясында осындай рухани кездесулердің жиі өтуі маңызды екенін атап өтті.
