|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Энергетика министрлігі Қазақстандағы атом электр станциясын (АЭС) салуға қатысты мәліметтерді жария етті, - деп хабарлайды Dauletten.kz.
Мемлекет басшысының Қазақстанда атом энергетикасын дамыту мүмкіндігін зерттеу жөніндегі тапсырмасын орындау аясында, реакторлық технологияларды таңдау бойынша зерттеулер жаңартылып, АЭС қуаты мен құрылыс орны анықталды.
Зерттеу нәтижесінде АЭС салуға ең қолайлы орын ретінде Алматы облысы Жамбыл ауданы Үлкен ауылының аумағы таңдалды.
Елдегі алғашқы АЭС үшін осындай нысандарды салу және пайдалану тәжірибесінде дәлелденген технологияны таңдау ұсынылды. Осыған байланысты ядролық технологиялардың әлеуетті жеткізушілерінен құралған “шорт-тізім” жасалды:
Зерттеу нәтижелері 2022 жылдың мамырында атом саласын дамыту жөніндегі ведомствоаралық комиссияның отырысында қаралып, мақұлданды.
"Атом энергиясын пайдалану туралы" Қазақстан Республикасы Заңының 12-бабына сәйкес, ядролық қондырғыларды салу туралы шешімді және құрылыс ауданын анықтауды, сол аймақтың жергілікті өкілді органдарының келісімімен, Қазақстан Республикасының Үкіметі қабылдайды. Жергілікті өкілді орган ретінде мәслихат бұл шешімге қатысады.
2022 жылдың қарашасында Алматы облысы мәслихаты аудан тұрғындарының қолдауымен АЭС құрылысына келісім беру туралы шешім қабылдады. Осыған байланысты Алматы облысының әкімдігі жария талқылаулар ұйымдастырды. Қоғамдық тыңдаулар туралы хабарландырулар Facebook, Instagram әлеуметтік желілерінде, Жамбыл ауданы әкімдігінің ресми парақшасында, сондай-ақ 2023 жылдың 21 шілдесінде Атамекен газетінің №28 нөмірінде жарияланды.
Министрлік атап өткендей, Экологиялық кодекске сәйкес, жобалық құжаттама дайындалып болған соң, экологиялық бағалау кезеңдерінде қоғамдық тыңдаулар ұйымдастырылады.
