Жаңалықтар

Air Astana 30 наурыздан бастап көктем-жаз кестесіне өтеді

28.03.2025

1 мин

0

304

Сурет: Air Astana

2025 жылғы 30 наурыздан бастап Air Astana әуекомпаниясы көктем-жаз кестесіне өтеді. Жолаушыларға жаңа бағыттар, танымал курорттық қалаларға маусымдық рейстер қосылған кеңейтілген бағыттар желісін ұсынады, - деп хабарлайды Dauletten.kz.

Кеңейтілген ұшу бағдарламасы

- Антальяға Алматыдан аптасына 12, Астанадан 10 рейске дейін көбейтіліп, жолаушыларға Жерорта теңізінде демалуға жайлы мүмкіндік ұсынады. 

- Алматы – Тбилиси қатынасы жалғасады (аптасына 10 рейске дейін), оған қоса Астанадан Тбилисиге қатынас қайта жалғасады (аптасына 4 рейске дейін). Жаңа Атырау - Тбилиси рейсі 27 мамырда ашылып (аптасына 3 рет), екі арадағы жалпы қатынас аптасына 17 рейске дейін жетпек. 

- Алматыдан Ыстанбұлға қатынайтын рейс 7-ден 10-ға дейін артпақ.  

Жаңа халықаралық бағыттар

- Нячанг (Вьетнам) –24 наурызда Алматыдан (аптасына 4 рейс), 25 наурызда Астанадан (аптасына 3 рейс) іске қосылды. Нячанг ақ қайраң құмымен, жайлы климатымен, дамыған туристік инфрақұрылымымен танымал. 

- Гуанчжоу (Қытай) – 30 наурызда Алматыдан қатынас басталады, аптасына 3 рет ұшады. Гуанчжоу – Қытайдың ең ірі іскерлік және сауда орталықтарының бірі. 

- Мумбай (Үндістан) – 20 сәуірде Алматыдан қатынас басталып, аптасына 3 рет ұшады. Бұл қала Үндістанның маңызды экономикалық, мәдени орталығы саналады. 

- Франкфурт– жаз басталысымен Алматыдан аптасына үш рет қатынас басталады. Франкфурт – Еуропаның ең ірі қаржы орталығы әрі ыңғайлы транзит хабы. 

- Дананг (Вьетнам) – 14 мамырдан бастап Астанадан (аптасына 2 рет), 4 маусымнан бастап Алматыдан (аптасына 2 рет) қатынас басталады. Дананг жағажайларымен, тарихи жерлерімен, гастрономиясымен танымал. 

- Ош (Қырғызстан) –  28 мамырдан бастап Алматыдан  (аптасына 4 рейс).

Маусымдық бағыттар

- Маусымнан қыркүйекке дейін Подгорицаға (Черногория) рейстер қосылады. Бұл бағыт туристерге Адрия теңізінің көркем жағажайы, Балкандағы ерекше табиғатпен танымал. 

- Биылғы маусым айынан бастап Алматыдан Батуми мен Бодрумға рейс қайта қосылады (әр бағыт бойынша аптасына 5 рейске дейін).

Барлық бағытқа билетті әуекомпанияның ресми сайтынан және серіктес агенттіктерден таба аласыз. 

Қазақстандықтар Грузия, Түркия, Подгорица, Қытай мен Вьетнамға визасыз кіре алады.