|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Соңғы уақытта алаяқтардың өзгенің атына несие рәсімдеу оқиғалары жиілеп кетті. Мұндай жағдайға тап болсаңыз, қорықпай, тез әрекет ету керек. Dauletten.kz сайты алаяқтардың тұзағына түскен сәтте жасау керек өзге де қарапайым қадамдарды еске салады.
Мұндай жағдайға тап болған кезде жасау керек ең алғашқы әрі маңызды қадам – банкке хабарласу. Егер атыңызға несие рәсімделгенін білсеңіз, бірден банкке хабарласып, жағдайды түсіндіріңіз. Қарыз сіздің қатысуыңызсыз рәсімделгенін ресми түрде мәлімдеп, қарызды тоқтату немесе тексеру шараларын талап етіңіз.
2. Полицияға арыз жазыңыз
Алаяқтық фактісі бойынша құқық қорғау органдарына арыз беруіңіз керек. Полицияға барғанда қажетті құжаттарды алып барыңыз.
3. Аталған несиені мойындамау туралы өтініш жазыңыз
Егер банк қарызды төлеуді талап етсе, бұл несиені мойындамау туралы ресми өтініш жазып, оның көшірмесін сақтаңыз. Бұл сіздің жауапкершілікті өзіңізге алмағаныңызды растауға көмектеседі.
4. Құжаттарыңыз бен мәліметтеріңізді тексеріңіз
Алаяқтар көбіне жеке куәлік, ЖСН немесе банк картасының мәліметтерін пайдаланады. Жеке құжаттарыңыз жоғалған болса, оларды тез арада қайта шығарып, ескі нұсқасын жарамсыз етіңіз.
5. Несие тарихыңызды бақылаңыз
Несие бюросына хабарласып, өз несие тарихыңызды тексеріңіз. Егер бейтаныс қарыздар анықталса, оларды түзету үшін ресми арыз жазыңыз.
6. Заманауи технологияларды пайдаланыңыз
Қауіпсіздік үшін банк карталарыңыз бен шоттарыңызға қосымша қорғау шараларын енгізіңіз. Мысалы, SMS-хабарламалар, қосымша растау кодтары немесе биометриялық деректерді қосу.
Алаяқтардың құрбаны болмау үшін құжаттарыңыз бен банк деректеріңізді барынша қорғауға тырысыңыз. Бейтаныс адамдарға жеке мәліметтеріңізді бермеңіз және күмәнді сілтемелерге кірмеңіз. Құқығыңызды қорғаңыз!
