|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Алматы халықаралық әуежайында Алматы-Пхукет бағытындағы SCAT әуе компаниясының 5235 рейсі айтарлықтай кешікті, - деп хабарлайды Dauletten.kz.
Бастапқыда ұшақ 01:35-те көтерілуі тиіс болған, алайда рейс бірнеше мәрте шегеріліп, 05:05, 06:10, кейін 08:00-ге ауыстырылды.
SCAT әуе компаниясының баспасөз қызметі жағдайға қатысты түсініктеме берді.
— Ұшу алдындағы тексеріс барысында қосымша техникалық қызмет көрсету қажеттілігі анықталды. Күту уақытында жолаушыларға ыстық тамақ пен сусын ұсынылды. Әуе компаниясы туындаған қолайсыздық үшін жолаушылардан кешірім сұрайды, — деп мәлімдеді компания өкілдері.
Сондай-ақ, SCAT ақпаратына сәйкес, қазіргі уақытта рейске отырғызу жүргізіліп, ұшақ алдағы 20 минут ішінде әуеге көтерілмек.
