|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Алматы облысы білім басқармасына жаңа басшы тағайындалды, – деп хабарлайды Dauletten.kz.
Қайрат Жұманов Алматы облысы білім басқармасының басшысы болып тағайындалды. Бұл туралы Алматы облысы әкімідігінің баспасөз хатшысы мәлімдеді. Бұған дейін ол Алматы қаласы Алмалы ауданы әкімі аппаратының басшысы қызметін атқарған.
Қайрат Жұманов 1989 жылы дүниеге келген. 2010 жылы Абай атындағы Қазақ ұлттық педагогикалық университетін "Психология" мамандығы бойынша және 2012 жылы Т.Рысқұлов атындағы Қазақ экономикалық университетін "Экономика" мамандығы бойынша тәмамдаған. 2018 жылы "Тұран" университетінде "Құқықтану" мамандығын, ал 2021 жылы әл-Фараби атындағы Қазақ ұлттық университетінде "Іскерлік әкімшілендіру" мамандығын игерген.
Еңбек жолын 2009 жылы Алматы қаласындағы №105 гимназияда педагог-психолог болып бастаған. Әр жылдары Алматы қаласы білім басқармасының Бостандық аудандық білім бөлімінде бас маман, бөлім басшысы, Алматы қаласы Алмалы ауданы әкімдігі аппаратының мәдениет және тілдерді дамыту бөлімінің басшысы, Алматы қаласы білім басқармасы басшысының орынбасары, сондай-ақ Жетісу облысының білім саласында сапаны қамтамасыз ету департаментінің басшысы қызметтерін атқарған.
