Товарные рынки | ||
BID | ASK | |
Brent | 0.00 | 0.00 |
Лайт | 0.00 | 0.00 |
Алматы тұрғындарына 100 Рамазан себеті таратылды, - деп хабарлайды Dauletten.kz.
"Dauletten" қайырымдылық қоры бастамасымен Алматы қаласындағы "Байкен" мешітінде 100 мұқтаж отбасыға азық-түлік себеттері таратылды. Жыл сайын қасиетті айда қор тарапынан отбасыларға Рамазан себеттері беріледі. Бұл игі шара биыл да жалғасын тауып жатыр.
Айта кетейік, бұл қайырымдылық керуені бұған дейін Талдықорған, Қонаев қалаларында өткізілді.
Ізгі шара Алматы облысы жастар ресурстық орталығының еріктілерімен бірлесіп ұйымдастырылды. Биыл республика бойынша 1500 отбасыға Рамазан себеті таратылады.
- Рамазан себеттерін әр үйге жеткізу арқылы біз мұқтаж жандарға қуаныш сыйлауды, Рамазанның шынайы мәнін көрсетуді мақсат еттік. Бұл ай – мейірімділік пен қайырымдылықтың айы. Жақсылық жасау арқылы Рамазанның шапағатына бөленеміз, - деді ұйымдастырушылар.
Айлардың сұлтаны саналатын қасиетті Рамазан айында жасаған құлшылықтарымыз қабыл болып, сауаптан жазылғай!