|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Алматыда экологиялық бақылау күшейді: ауа сапасы едәуір жақсаруда, - деп хабарлайды Dauletten.kz.
Синоптиктер бір апта бұрын желтоқсанның басында күн райы күрт құбылып, жаңбыр жауып, қар ұшқындап, жел соғатынын айтқан. Қаланы тұмшалап тұрған түтін мен шаңнан арылуға сеп болды сол.
Ауа сапасын бақылайтын халықаралық ұйым IQAir деректеріне қарағанда, қаланың ластану көрсеткіші де едәуір жақсарған.
Естеріңізге салсақ, соңғы айларда Алматыдағы ауаның сапасы нашарлап, қаламыз антирейтингтерден түспей келген еді. Бірақ табиғаттың алай-дүлей мінезі мен селдіреп жауған аз ғана жауынның өзі қаланың аспанын қайта ашып, қала тұрғындары да еркін тыныстап, рахаттанып қалды.
Айта кетейік, 1 желтоқсаннан бастап Алматының жергілікті атқарушы органдары ауаны ластауды азайтып, автопаркті жаңарту мақсатында жаңа экологиялық ережелер енгізді. Атмосфераны қорғау ережелерін әзірлей бастады, ол құжат қазір келісіліп жатыр.
Сонымен қатар желтоқсанның алғашқы күндерінде Алматыда қатты отын пайдаланатын кәуапханаларға бақылау да күшейді. Санитарлық-эпидемиологиялық қызметтер көпшілік тамақтанатын орындарға жоспардан тыс 12 тексеріс жүргізіп, 10 заң бұзушылықты анықтаған.
Қалада сондай-ақ «Eco Almaty» ЖШС-нің жылжымалы зертханалары жұмыс істеп, зиянды қалдықтардың деңгейін тіркеп, тексеріп жүр.
